Tsaritsyno (domus et horti)
From Wikipedia, the free encyclopedia
Tsaritsyno (Russice Царицыно) est magna domus, hortis circumdata, in parte meridiana Moscuae sita, iussu Catharinae II imperatricis anno 1776 structa. Hodie a museo Tsaritsyno, anno 1984 condito, administratur. Est clarissima pars territorii naturalis specialiter conservati eiusdem nominis, inter regiones Moscuenses Tsaritsyno, Birjulëvo orientale, Orekhovo-Borisovo meridianum siti.
Domus et horti Tsaritsyno, superficiem plusquam centum hectarearum obtinens, in loco collino et lacunoso iacet, ubi antea fuerat villa principum Kantemir et aliquas proprietates eius conservat. Territoria hortorum in septentrione-oriente et meridie vallibus altis, in occidente lacubus Tsaritsnyo, in oriente viridariis clausis finiuntur.[1][2]
Tsaritsyno est monumentum architecturae Gothicae Russicae (pseudogothicae). In palatio imperatorio laboraverunt duo architectores praeclari: Basilius Baženov et Matthaeus Kazakov.[3] Tsaritsyno est amplissimum in Europa aedificium pseudo-Gothicum saeculi XVIII et unicum palatium hoc modo constructum. Proprietates Tsaritsyno magnam partem novum cursum architecturae Russicae paraverunt: per terras prioris imperii Russici sunt non pauca structurae finis saeculi XVIII et initii XIX quae ex exemplo Tsaritsyno creatae sunt.[4]
Hortus Anglicus Tsaritsyno, cum domo positus, fuerunt unus ex primis hortis Anglicis in Russia extra regionem Petropolitanam.[5]