![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/The_Bell_Inn%252C_Watchet_-_geograph.org.uk_-_3733675.jpg/640px-The_Bell_Inn%252C_Watchet_-_geograph.org.uk_-_3733675.jpg&w=640&q=50)
Watchet
From Wikipedia, the free encyclopedia
Watchet est oppidum Somersetensis comitatus in Anglia occidentali situm, ubi nundinae tenebantur ab anno circiter 900, mercatus autem ab anno 1244.[1] Ibi nostro tempore homines fere 3 750 habitant.
Locus: 51°10′46″N 3°19′27″W
Situs interretialis
Gestio
Usque ad annum 1902 Watchet et Williton in paroecia Sancti Decumani comprehensa sunt; quo anno pagus urbanus Watchet a paroecia civili Williton divisa est. Paroecia antiqua nomen habuit e sancto Decumano olim ecclesiae in oppido Watchet sitae patrono. Watchet his diebus, sicut et Williton, est paroecia civilis.
![Thumb image](http://upload.wikimedia.org/wikipedia/commons/thumb/d/df/The_Bell_Inn%2C_Watchet_-_geograph.org.uk_-_3733675.jpg/640px-The_Bell_Inn%2C_Watchet_-_geograph.org.uk_-_3733675.jpg)
Portus Watchet, ad manicam Bristoliensem positus, fuit burgus regni Occidentalium Saxonum.[2] Ter in Chronicis Anglosaxonum refertur, nominibus Weced et Wecedport. Anno fere 917 "piratae" Vicingi, ducibus Ohtor et Hroald, e Britannia Minore manicam Bristoliensem invaserunt; ab Herefordiensibus et Glocestriensibus repulsi ad Porlock et iuxta Watchet noctu furtim descenderunt, unde ab incolis debellati in insula vel Flat Holm vel Steep Holm refugium reppererunt: ibi alimentis carentibus multi mortui sunt.[3] Annis 987 seu 988, rursusque anno 997, a Vicingis oppidum combustum est.[4]