Bixa orellana

Bixa orellana (binomen a Carolo Linnaeo anno 1753 statutum), Latinitate communi aceote,^[3] est frutex ordinis Malvalium cuius semina ad pigmentum et condimentum adhibentur. Species e regionibus tropicis Americae australis orta iamdudum in media America insulisque Caribicis colitur. Americani indigenae pigmento rubro ad faciem corpusque pingendum utebantur.

Capsae seminum Bixa orellana

---

Plantae — Angiospermae

Eudicotyledones 
Rosidae 
Ordo : Malvales 
Familia : Bixaceae 
Genus : Bixa 
Species : B. orellana 

Bixa orellana 
L.  

Synonyma

*Bixa tinctaria Salisb.

• Orellana orellana (L.) Kuntze^[1]
• Bixa orleana Noronha
• Bixa americana Poir.
• Bixa purpurea Sweet
• Bixa odorata Ruiz & Pav. ex G.Don
• Bixa acuminata Bojer
• Orellana americana (Poir.) Kuntze^[1]
• Bixa upatensis Ram.Goyena
• Bixa katangensis Delpierre^[2]

Bixa orellana

Species culta tantum Bixa orellana e silvestri B. urucurana Willd., in Amazonia endemica, domesticatam esse censetur.^[4] Semina Bixae orellanae in locis archaeologicis reperiuntur Plum Piece insulae Sabae annis circiter 3 650 a.p. frequentato,^[5] Caral in Peruvia inter annos 3 000 et 1 800 a.p., apud Calima in Columbia inter annos 1 310 et 700 a.p., in valle fluminis Peruaçu in Brasilia inter 1 010 et 570 a.p. Verbum sensu "pigmentum Bixae orellanae" in protolingua Maya, anno circiter 2 400 a.p. usitata, reconstructum est.^[6]