Adenosinum triphosphoricum

Acidum adenosinum triphosphoricum (abbreviatura: ATP) est nucleotidum et energiae fons laborum corporis. ATP photosynthesi et phosphorylatione oxidativa oritur. Molecula ex grege adenini cum carbohydrato ribosi et tribus gregibus phosphati constituta est. Separatione ex ATP gregis phosphati γ energiam liberat, ut adenosinum diphosphoricum (ADP) restet.^[1]

Adenosinum-5'-triphosphoricum
ATP

Cognitores
DrugBank	DB00171
PubChem	5957
Natura chemica
Formula summarum	C 10H 16N 5O 13P 3
Massa molaris	507.18 g/mol
Potentia acidi	pKa1 = 0.9 pKa2 = 1.5 pKa3 = 2.3 pKa4 = 7.7

Forma iontibus onerata (sal acidi adenosini triphosphorici) adenosinum triphosphatum nominatur.

Contextus

Omnes organismi functiones energiam requirunt, praecipue musculorum actio magnam copiam energiae consumunt. Energiae corporalis fons principalis est ATP. Verbi gratia, cor humanum die circiter 6 000g ATP consumit.

Historia

Anno 1929 biochemicus Germanicus Carolus Lohmann primus ATP descripsit^[2]. Anno 1935 Russicus Vladimirus Engelhart contractiones musculares ex ATP pendere cognovit. Anno 1937 Danicus Hermanus Kalckar intellexit, synthesem omnem cum ATPasi connexam esse.

Natura chemica

Structura

Formula summarum sua est C
₁₀H
₁₆N
₅O
₁₃P
₃. Molecula ex grege adenini, carbohydrato riboso et tribus gregibus phosphati constituta est. Adenini anulo duplici in positione nona, quo unus atomus nitrogenii est, saccharum ribosi cum atomo carbonii affixum est. Opposita tres greges phophati iacent.

• 
  Adeninum
• 
  β-D-ribosum
• 
  Acidum phosphoricum
• 
  Phosphatum

Adeninum

Conferatur pagina principalis: Adeninum.

Adeninum est purinum compositum chemicum heterocyclicum et basis nucleici acidi. Heterocyclus ipse ex atomis et carbonii et nitrogenii, "N", compositus, coniunctio duorum anulorum, imidazoli (5 atomis) enim et pyrimidini (6 atomis), est. In organismi metabolismo adeninum ex riboso phosphato (itinere pentosorum phosphatorum) generatur.

Acidum phosphoricum

Conferatur pagina principalis: Acidum phosphoricum.

Acidum phosphoricum est acidum cum formula summarum H
₃PO
₄. Basis eius coniugata est ion dihydrogenium-phosphatum cum formula summarum H
₂PO⁻
₄, cuius basis coniugata hydrogenium phosphatum formula eius summarum est HPO²⁻
₄, denique cuius basis phosphatum nominatur, cum formula summarum PO³⁻
₄. Valores potentiarum acidorum sunt 1.9, 6.7, atque 12.4.

Nexus interni

• ATP synthasis
• Cyclus ureae
• Glycolysis