Adonis

Adonis (-is sive -idis) fuit deus Graecus e mythologia Orientis introductus, Aphroditae vel Veneris amasius, cuius mortem et resurrectionem feriis annuis Adoniis celebrabantur. Mulieres hortos Adonis conficiebant. Urbs Phoenicum Byblos Adonidi sacra dicebatur^[1]

Vide etiam paginam fere homonymam: 2101 Adonis.

Aphrodite et Adonis: vas Atticum c. 410 a.C.n. pictori Aesoni attributum (Museum Lupariense Lutetiae: MNB 2109)

Mors Adonis. Sepulcrum fictile Etruscum saec. II a.C.n. (Museum Gregorianum Etruscum Romae: no. 14147)

Nonnulla fragmenta e Sapphus carminibus veterrima testimonia cultus eius dei in Graecia habentur. In quibus etiam illa invocatio versu Adonio expressa legitur ὦ τὸν Ἄδωνιν.^[2] Praxilla poëtria hymnum in Adonim composuit e quo tres versus nobis servantur.

Ammianus Marcellinus^[3] physicorum interpretationem referens mythum Adonis ad segetes in flore carptas referebat.