Aldebaran

Aldebaran sive Alpha Tauri (α Tau) est stella constellationis Tauri splendidissima, inter stellas totius caeli splendidissimas tredecima. Stella est gigantea rubra, plus quam quadringentiens clarior Sole et quadragiens quinquiens latior.^[1][2]

Comparatio magnitudinis Aldebarani cum Sole

Motio propria

Edmundus Halley motionem propriam stellarum quae fixae dicebantur primus anno 1718 invenit, observationibus sui ipsius cum adnotationibus libri Almagest Claudii Ptolemaei collatis et cum occultatione lunari stellae Aldebaran anno 509 Athenis curiose observata. Stellas splendidiores Aldebaran, Arcturum, Sirium multo a locis priscis distantes rettulit. Re vera Aldebaran non minus quam 7 arcsecundis^(en) a loco antiquo remota est.