Alfredus (rex Anglorum)

Alfredus^[1] sive Eluredus^[2] (Anglosaxonice Ælfrēd vel Ælfrǣd; natus in Wantage inter annos 847 et 849; mortuus 899) fuit rex Occidentalium Saxonum et, ut ipse dictitabat, Anglorum omnium. Fuit etiam scriptor, scriptorum linguae Anglosaxonicae fautor, textuum Latinorum interpres.

Alfredus (rex Anglorum)

Res apud Vicidata repertae:

Alfredus (rex Anglorum): imago

Nativitas: 849; Wantage
Obitus: 26 Octobris 899; Wintonia
Patria: Regnum Occidentalium Saxonum

Familia

Genitores: Æthelwulf; Osburh
Coniunx: Ealhswith
Proles: Æthelflæd, Eduardus, Ælfthryth, Countess of Flanders, Æthelweard, Æthelgifu
Familia: House of Wessex

Memoria

Sepultura: Wintonia
Sanctus (feriae die 26 Octobris)

Denarius Alfredi in urbe Londinio incusus

Vita

Alfredus fuit quartus filius Ethelwulfi regis Occidentalium Saxonum. Anno 868 in matrimonium duxit Ealhswitham, e stirpe regum Merciae. Mense Aprili anni 871, fratre Ethelredi mortuo, Alfredus factus rex. Circa annum 886 incepit se appellare regem Anglorum, regem Anglorum et Saxonum, regem Angul-Saxonum. Mortuus est die 26 Octobris 899.

Fortuna

Denarius Alfredi: AELFRED REX SAXONUM

Ab historicis Anglis saeculi XVII Alfredus magnus cognominatus est.^[3]

Opera Alfredi et scriptorii sui

• Codex legum Alfredi
• Chronicorum Anglosaxonum vetustissimus textus
• Versiones Anglosaxonicae:
  • Dialogi Gregorii I
  • Regula pastoralis Gregorii I
  • Historiae adversum paganos Orosii cum supplementa nova de navigationibus Ohtherii et Wulfstani
  • Historia ecclesiastica gentis Anglorum Bedae
  • De consolatione philosophiae Boethii
• Carmina Boethii versibus allitteratis redacta (Anglice: Lays of Boethius)
• Anthologia (Anglosaxonice: Blostman)

Fontes de vita et regno Alfredi

• Asserii De rebus gestis Alfredi
• Chronica Anglosaxonum
• Ethelwerdi Chronica