Aragus

Aragus^[1], etiam historice in fontibus Graeco-Latinis nominibus Pelorus, Aragon et Arrhabon noti^[2] (Graeca antiqua Ἄραγος, Ἀραγῶν, Ἀρραβῶν, Πέλωρος), vulgo Aragvi (Georgiane არაგვი) est flumen Georgiae. In glaciariis iugi Principalis Caucasi Maioris oritur, ubi Aragus Albus nuncupatur, ad Pasanauri vicum cum Arago Nigro confunditur. Fluxu inferiore hydroelectrificina et receptaculum aquae in Arago constructi sunt, qui Tiphli vim electricam dent. In Mtzcheta^[3] urbe capitali Hiberiae et Georgiae antiquae in Cyrum effunditur; Dschwari (Georgiane Crux) monasterium super confluentiam aedificatum est, qui locus saepissime visitatur et describitur^[4].

Aragus

Cyri et Aragvi confluentia Mtzchetae
Longitudo	66 chm
Area systematis	2740 chm²
Fons	iugi Principalis Caucasici glaciaria
Ostium	Cyrus
Regio	Georgia