Cancer pulmonis

Cancer pulmonis^[1] vel carcinoma pulmonarium est morbus pulmonum, accurate species cancri, prima virum ac secunda mulierum, quod ad crebritatem pertinet. Prima causa huius morbi est usus sigarellorum. Duae sunt praecipuae species huius cancri: carcinoma pulmonarium e parvis cellulis et carcinoma pulmonarium e non parvis cellulis. Toto orbe circiter 3 000 000 hominum per annum decedunt propter hunc tumorem, qui difficiliter sanabilis est. Nam quinque annos post morbum inventum solum 5 centesimae hominum hoc cancro laborantium supersunt.

Cave: notitiae huius paginae nec praescriptiones nec consilia medica sunt.

Amplificatio crebritatis cancri pulmonis saeculo XX ad usum sigarellorum refertur. (Fons: NIH)

Indicia cancri pulmonis

Indicia huius morbi sunt:

• dyspnoea, id est difficultas spirandi
• haemoptysis, id est sanguinem spuere
• tussis chronica
• anhelitus
• dolores thoracis abdominisve
• cachexia, id est magna deminutio ponderis, defatigatio et amissio cibi appetentiae
• raucedo aut dysphonia, id est difficultas loquendi
• dysphagia, id est difficultas vorandi

Classificatio

Systema TNM

Descriptio cancrorum pulmonum per systema TNM (T — Tumoris ambitus, N — Nodorum lymphaticorum affectorum extensio, M — Metastases remotae) fit^[2].

Nexus interni

• Carcinosarcoma
• Ioannes Stossel
• Tabacum - causa cancri plumonis