Canonicus

Canonicus^[1] (Graece κανονικός) est clericus qui officio in ecclesia cathedrali vel collegiata fungitur, ita appellata quia vitam secundum canonem vel regulam ecclesiae ducit. Saepe praebendam ab ecclesia accipit et praebendiarius appellatur. Titulus canonicus in Ecclesia Catholica Romana et ecclesiis Communionis Anglicanae in usu est.

Canonici ecclesiae cathedralis Sancti Salvatoris Brugensis

Distinguuntur canonici saeculares, qui res privatas habent, et canonici regulares vel Augustiniani, qui monachis similes in communi vivunt. Inter canonicos saeculares sunt canonici residentiarii, non-residentiarii vel honorarii, laici, minores, ac professores.