Censorius Datianus

Censorius Datianus (nescimus, quando natus quandove mortuus sit) vir publicus Romanus saeculi quarti fuit.

Origo et iuventus

Pater eius servus thermarum Antiochiae fuit. Ipse Christianus erat^[1] et primo notarius^[2] factus est. Fuit amicus Libanii oratoris, qui aliquas litteras ad eum dedit. Antiochiae et domus atque villae ei fuerunt, urbem pulcherrimis aedificiis ornavit^[3].

Res gestae

Anno 345 comes consiliarius Constantii II litteras ad Athanasium episcopum Alexandriae ab Arianis pulsum scripsit, ut is in patriam reverteret^[4]. Anno 351 inter iudices fuit, qui Photinum episcopum haeresiae damnaverunt^[5].

Cursus honorum

Datianus, qui interim patricius et senator factus erat, anno 358 consulatum gessit, una cum Neratio Cereali. Anno 364 comes Ioviani imperatoris erat^[6]. Post annum 365 nullum nuntium de eo habemus.