Circumcisio

Circumcisio^[1] est circumsectio^[2] praeputii hominis, quae in aliquibus culturae formis religionibusque praescribitur, quod circumcisione facta purgatio penis facilior reddatur. Circumcisio praeterea propter incommoda, sicut phimosin, a medicis administratur.

Circumcisio. Saccara, tempore sextae domus regnatricis, anno fere 2300 a.C.n.

Medica circumcisionis ratio.

Frequentia circumcisionum marium per orbem terrarum (WHO, 2007).

Religio

In libro Genesis (17:10–14) Deus cum Abraham hisce verbis circumcisionem paciscitur:

¹⁰Hoc est pactum meum, quod observabitis inter me et vos, et semen tuum post te: Circumcidetur ex vobis omne masculinum; ¹¹et circumcidetis carnem praeputii vestri, ut sit in signum foederis inter me et vos. ¹²Infans octo dierum circumcidetur in vobis, omne masculinum in generationibus vestris; tam vernaculus, quam empticius ex omnibus alienigenis, quicumque non fuerit de stirpe vestra. ¹³Circumcidetur vernaculus et empticius, eritque pactum meum in carne vestra in foedus aeternum. ¹⁴Masculus cuius praeputii caro circumcisa non fuerit, delebitur anima illa de populo suo; pactum meum irritum fecit

.