Codex Fejérváry-Mayer

Codex Fejérváry-Mayer est liber medio Mexico saeculo fere XV ante adventum Hispanorum factus. Hodie apud Museum Mundanum Liverpoliense in Anglia servatur. Inter gregem codicum Borgianum ordinatur, origine geographico haud certo.

Imago prima codicis Fejérváry-Mayer tabulam mundi praebens. Media imagine deus Xiuhtecuhtli videtur; ad caput Pseudobombax ellipticum, arbor orientis; ad dextram partem Theobroma cacao, arbor meridiei; ad fundum Acacia, arbor occidentis; ad sinistram Ceiba pentandra, arbor septentrionis.^[1] Haec imago calendarium perpetuum praebet cycli 260 dierum, Navatlace Tonalpohualli, lingua Mayensi Tzolk'in appellati