Constantinus VII Porphyrogenitus

Constantinus VII Porphyrogenitus (Graece: Κωνσταντῖνος Πορφυρογέννητος) fuit Imperator Romanus Orientalis ab anno 913 usque ad 959 in quo anno mortuus est.

Constantinus VII Porphyrogenitus

Res apud Vicidata repertae:

Constantinus VII Porphyrogenitus: imago

Nativitas: 18 Maii 905; Constantinopolis mediaevalis
Obitus: 9 Novembris 959; Constantinopolis mediaevalis
Patria: Imperium Byzantinum

Familia

Genitores: Leo VI Sapiens; Zoe Karbonopsina
Coniunx: Helena Lacapena
Proles: Romanus II, Theodora (Constantini VII filia), Agatha, Zoe, Anna, Theophano
Familia: domus Macedonica

Memoria

Sepultura: ecclesia Sanctorum Apostolorum

Coronamentum Constantini VII. Ioannes Scylitzes, Synopsis historiarum: Bibliotheca Nationalis Hispanica Cod. Vitr. 26-2 f. 114v (saec. XII)

Mors imperatoris Constantini VII. Ioannes Scylitzes, Synopsis historiarum: Bibliotheca Nationalis Hispanica Cod. Vitr. 26-2 (saec. XII)

Constantinus anno 905 in cubiculo purpureo palatii Constantinopolitani natus est, filius Zoae Carbonopsinae imperatorisque Leonis VI. Inter annos 913-944 fuit una cum Romano I Lecapeno imperator, ab anno 944 solus. Bella contra Arabes et Hungaros gessit, qui imperium eo tempore aggrederentur. In matrimonium duxit Helenam, Romani filiam, et ex ea genuit:

• Leo
• Romanus II, imperator futurus
• Zoë, monacha
• Theodora, quam in matrimonium duxit Ioannes Tzimisces
• Agatha, monacha
• Theophano, monacha
• Anna, monacha

Imperator Constantinus VII, studiosissimus litterarum scientiarumque veterum Graecorum, scripsit cum amanuensibu nonnulla opera nova de imperio Byzantino necnon collectanea librorum antiquorum. In his libris multa scripta classica servata sunt quae aliter deperdita essent, e quibus fragmenta Polybii, Diodori Siculi, Flavii Iosephi, Dionis Cassii, Prisci, Menandri Protectoris, Cassiani Bassi. Constantinus die 9 Novembris 959 mortuus est.

Opera Constantini VII et scriptorii sui

Originalia

• De administrando imperio
• De cerimoniis aulae Byzantinae
• De thematibus
• Narratio de imagine Edessena
• Oratio de translatione Chrysostomi
• Oratio ad milites
• Tres tractatus de expeditionibus militaribus^[1]

Excerpta scriptorum antiquorum

• Geoponica
• Excerpta de natura animalium^[2]
• Excerpta de legationibus
• Excerpta de virtutibus et vitiis
• Excerpta de insidiis
• Excerpta de sententiis
• De strategematibus
• De contionibus militaribus