Crustum de malis

Crustum de malis^[1] est tragema quod e crusto constat frustis aut pulmento malorum farto. A Germanis cum embammate vanillato, ab Anglis cum custard, a pluribus cum cramo sive et cremore glaciato apponi potest. Crustum de malis ex Europa oriri censetur,^[2] sed Mom's apple pie ("crustum de malis a matre factum") inter signa culturae Civitatum Foederatarum reputatur.^[3]

Ars coquinaria Germanica: Apfelstreuselkuchen mit Vanillerahmguss und Krokant ("crustum e crustulis de malis, cremore vanillato illinato, tritura nucum inspersa") intactum

Ars coquinaria Britannica: Pars apple pie and custard (crusti de malis, saccharo insperso, embammate cremore Anglico) in taberna oppidi Hatfield Hertfordiensis comitatus inlata

Varietates huius ferculi in variis civitatibus inveniuntur, sicut tarte Tatin Francorum et apple upside-down cake Anglorum modo scriblitarum pistae; äppelsmulpaj Suecorum, apple crumble et apple charlotte Anglorum, Apfelstreuselkuchen Germanorum crustulis haud colligatis loco crusto confectis; Apfelstrudel Austrianorum et apple turnover Anglorum crusto reflexo compositis.