Dominicopolis

Dominicopolis,^[1] sive Sanctus Dominicus,^[2] sive Urbs Sancti Dominici^[3] (Hispanice plene Santo Domingo de Guzmán), anno 1502 condita, est caput, maxima urbs, et principalis rei publicae Dominicanae portus, ad ostia fluminis Ozamae in orientali insulae Hispaniolae parte iacens. In pago civitatis capitalis stat, qui intra fines provinciae Dominicopolitanae comprehenditur. In urbe ipsa per censum anni 2010 incolarum 965 040, sed in pago civitatis anno 2014 incolarum 1 402 749 enumerati sunt.

Dominicopolis

Res apud Vicidata repertae:

Dominicopolis: insigne

Civitas: Respublica Dominicana
Locus:
Numerus incolarum: 2 201 941
Zona horaria: UTC-4
Situs interretialis

Gestio

Procuratio superior: Distrito Nacional

Geographia

Superficies: 1 302.2±0.1 chiliometrum quadratum

Coniunctiones urbium

Urbes gemellae: Miamia-Dade Comitatus, Novum Eboracum, La Muela, Matritum, Sancta Crux Nivariae, Taipeia, Curitiba, Manaus, Fluvii, Urbs Assumptionis, Bonaeropolis, Barcino, Berolinum, Berna, Bostonia, Caracae, Urbs Guatimalensis, Mexicopolis, Havana, Pax, Lima, Olisipo, Miamia, Managua, Mediolanum, Urbs Montis Videi, Nova Caesarea, Pechinum, Quitum, Londinium, Rabatum, Urbs Fluminensis, Urbs Sancti Iacobi, Urbs Sancti Iosephi in Costarica, Urbs Sancti Salvatoris, Sarasota, Hepha, Cranston, Rosario, Barranquilla

Tabula aut despectus

Dominicopolis: situs

Origo et historia

Forma "Civitatis S. Dominici" anno 1589 a Baptista Boazio delineata, quo tempore Franciscus Drakus Eques hanc urbem nuper oppugnaverat.

Insulam omnem populus Taíno Arawakensis olim tenuit. Ad ostia Ozamae fluminis, utilitate portús recognita, oppidum iuxta ripam orientalem iam die 5 Augusti 1498 condidit Bartholomaeus Columbus, qui praefectus vicarius insulae Hispaniolae iuxta fratrem Christophorum merebat, nomenque La Nueva Isabela dedit. Quo oppido furacanis mense Augusto 1502 deleto, praefectus fratribus Columbis successor Nicolaus de Ovando coloniam ad oram occidentalem removit et eodem anno nomine "civitatis Sancti Dominici" condidit. Urbem anno 1586 Franciscus Drakus Eques cepit redemptionemque postulavit.

Res visitandae

Media urbs, quae formam et faciem urbis Hispanicae saeculis sexto decimo septimoque decimo magna parte servat, inter hereditatem mundi apud UNESCO enumeratur.

Incolae notabiles

• Anscarius de la Renta, sumptuosorum vestimentorum designator, hic anno 1932 natus