Drilo

Drilo^[1] (Albanice Drini, Macedonice Дрим) est fluvius Albaniae, Macedoniae Septentrionalis, еt Kosoviae, 335 chiliometra longus, qui 285 chiliometra per Albaniam transit et fluvius eius longissimus est.

Despectus in Drilonem e caelo.

Kukës in urbe Drilone Nigro et Drilone Albo confluentibus oritur et prope Scodram urbem in duos ramos dividitur, quorum unus in Mare Hadriaticum prope Lissum et alter in Bunam flumen defluit (sed ante inundationem anni 1858 et ille in mare defluebat).

Aquae lacus Lychnidi, unde Drilo Niger fluit, et lacuum Prespae amborum Drilo fert.