Fidesz

Fidesz – Foedus Civicum Hungaricum (Hungarice: Fidesz – Magyar Polgári Szövetség) est factio politica nationalis conservativa et extremae dextrae Hungarica, cui Victor Orbán praeest. Se magis magisque esse illiberalem profitetur.^[1][2]

Fidesz – Foedus Civicum Hungaricum Fidesz – Magyar Polgári Szövetség
Ductor	Victor Orbán
Factio condita	1988
Ideologia	Conservatismus Antiglobalismus Nationalismus Euroscepticismus Russofilia
Nexus	fidesz.hu

Hodie, secundum multos observatores et criticos, Fidesz saepe describitur factio illiberalis, extremae dextrae et Russiae favens,^[3] cuius auctoritas popularis annis recentibus dicitur decrevisse, praesertim inter iuvenes et in urbibus maioribus.^[4][5][6]

Historia

Victor Orbán anno 2022

Anno 1990 ut factio officialis descripta est, Victore Orban duce, atque eodem anno in Conventum Nationalem^(en) electa est. Post comitia anni 1998, regimen medium-dextrum formavit. Ab initiis annorum 2000, factio ideologiam nationalisticam paulatim accepit, sed eius popularitas ob scandala corruptionis imminuta est. Inter annos 2002 et 2010 in oppositione fuit, et anno 2006 societatem politicam cum Factione Populari Democraticā Christianā^(en) iniit.

Post magnam victoriam in comitiis anni 2010, Fidesz potestatem supermaiorem obtinuit, doctrinam nationalisticam et conservativam secuta est atque ad Euroscepticismum et dextram politicam ulterius se movit. Constitutio nova anno 2011 lata valde controversa fuit, quum a multis iudicaretur potestatem factionis confirmare atque Hungariam ad regressionem democraticam ducere. Ab anno 2015, migrationum crisis tempore, factio rhetoricam populisticam^(en) et immigrationi adversam adhibuit.

Ab anno 2010, secundum multos observatores et criticos, Fidesz systema propagandae valde extensum administrat, quo maxima pars radiophoniae, televisionis et instrumentorum divulgationis potestati eorum factioni faventium subiugata est.^[7] Instrumenta divulgationis publica et privata saepe narrationem unilateralem diffundunt, quae regimen sustinet et adversarios delegitimat. Hoc systema adhibetur ad opinionem publicam formandam, praesertim civium seniorum, qui per assidua et simplicia nuntia facilius manipulari possunt. Quam ob rem libertas instrumentorum divulgationis in Hungaria a multis graviter imminutam aestimatur.^[8][9]