Fridericus Chopin

Fridericus Franciscus Chopin (Polonice Fryderyk Franciszek Chopin; Francice Frédéric François Chopin, natus Żelazowa Wola in vico die 1 Martii 1810; Lutetiae obiit die 17 Octobris 1849) fuit compositor Polonicus et clavilista egregius aevi romantici, qui opera plerumque pro clavili composuit. Ab anno 1831 exsul in Francia vixit. Universe notus est unus e praestantibus sui aevi musicis, cuius "ingenium poeticum, in technica ratione professionali conditum, singulare sua aetate erat."^[1][2]

Fridericus Chopin

Res apud Vicidata repertae:

Fridericus Chopin: imago

Fridericus Chopin: subscriptio

Nativitas: 1 Martii 1810; Żelazowa Wola
Obitus: 17 Octobris 1849; Lutetia
Patria: Francia, Imperium Russicum, Ducatus Varsoviae, Congress Poland, French Second Republic
Nomen nativum: Fryderyk Franciszek Chopin

Familia

Genitores: Nicolas Chopin; Tekla Justyna Chopin
Coniunx: no value

Memoria

Sepultura: Frédéric Chopin's tomb, Coemeterium Père Lachaise, Holy Cross Church

De vita

Domus natalis Żelazowa Wola in vico.

Chopin aetate sua vicensima octava, ex Imagine Friderici Chopin et Georgii Sand, ab Eugenio Delacroix picta, 1838.

Daguerreotypus a Ludovico Augusto Bisson factus, circa 1849.

Chopin moribundus. Pictura a Theophilo Kwiatkowski facta et a Ioanna Stirling mandata, 1849. A laeva: Alexander Jełowicki, Ludovica Jędrzejewicz (compositoris soror), Principissa Marcelina Czartoryska, Wojciech Grzymała, et Kwiatkowski ipse.

Pericardium eius cordis.

Monumentum funereum in columna intra Ecclesiam Crucis Sanctae Varsoviae eius cor comprehendit.

Chopin natus est Fryderyk Franciszek Chopin in Ducatu Varsoviensi, accurate Żelazowa Wola in vico Varsoviano, qui ducatus. anno 1815 pars Poloniae Congressionalis factus est. Puer mirabilis educationem mox confecit, magistris Iosepho Elsner et Adalberto Żywny, et sua prima opera Varsoviae composuit antequam a Polonia discessit anno aetatis suae vicensimo, minus quam unus mensis ante rebellionem Novembrem.

Anno suae aetatis vicensimo uno, Lutetiae habitare coepit, ubi compositor et doctor clavilis se sustinebat, postquam, ultimis suae vitae annis undevicensimis, solum tricies in publico perfuctus est, quia familiaritatem salon malebat. Amicus factus est Francisci Liszt, ac multi alii musici criticique suae temporis eum admirabantur, Roberto Schumann non excluso.

Post pactionem nuptialem cum Maria Wodzińska annis 1836 et 1837 defectam, in affinitatem saepe turbulentam Amantinae Dupin (Georgii Sand melius notae) scripticis Francicae pervenit. Iter breve et infelix in Maioricam cum Sand annis 1838 et 1839 unum ex eius fecundissimis compositionis temporibus erat. Eius ultimis annis salarium ab Ioanna Stirling admiratore accepit, sub cuius aegide Scotiam anno 1848 visit. Plurimum suae vitae Chopin morbosus erat. Lutetiae anno 1849 mortuus est, anno tricensimo nono suae aetatis, pericardite ut videtur, tuberculose aggravato. Eius corpus in Coemeterio Patris Chaizii sepultum est.