Granitum (lapis)

Granitum (-i, n, sc. 'marmor')^[1] sive granites^[2][3] (-ae, m, sc. 'lapis') est lapis, accuratius saxum igneum, ex quo maxima pars terrae continentis consistit. Granitum infra superficiem orbis terrarum natum est, saepissime in profundo plus duorum chiliometrorum, cum magma in crystalla mutatum est. Granitum abundat quarzo, spathis, sed etiam fuscis mineralibus, imprimis mica. Magna est in graniti speciebus diversitas.

Vide etiam paginam fere homonymam: Granatum (lapis).

Digitus humanus et granites (saxum igneum intrusivum) in Maderaspatano Indiae expositum.

Photographema ex propinquo factum graniti granorum medii magitudinis (granitum ex regione Strzelin in Polonia). Grana fusca fulvaque Quarzum; grana sublustria: Spatha; grana nigra: Biotite (genus micae).