Gualterius Mondale

Gualterius Fridericus "Fritz" Mondale (natus Ceylon in vico Minnesotensi die 5 Ianuarii 1928; mortuus domu Minneapoli die 19 Aprilis 2021^[1]), causidicus et vir publicus, ab anno 1977 usque ad annum 1981, fuit secundus et quadragesimus Praeses Vicarius Civitatum Foederatarum, Iacobo Carter praesidente. Mondale, Senator e Minnesota (1964–1976), fuit candidatus Factionis Democraticae in comitiis praesidentialibus anno 1984 habitis, sed superatus est a Ronaldo Reagan, qui honorem iam gerebat, in victoria generis terrae lapsae: Reagan quadraginta novem civitates vicit, cum Mondale solum Minnesotam (civitatem suam) et Districtum Columbiae vicit. Mondale maxime senex praeses vicarius emeritus vivus factus est, Georgio H. W. Bush anno 2018 mortuo.

Gualterius Mondale

Res apud Vicidata repertae:

Gualterius Mondale: imago

Gualterius Mondale: subscriptio

Nativitas: 5 Ianuarii 1928; Ceylon
Obitus: 19 Aprilis 2021; Minneapolis
Patria: Civitates Foederatae Americae
Nomen nativum: Walter Frederick Mondale

Familia

Genitores: Theodore Sigvaard Mondale; Claribel Hope Cowan
Coniunx: Joan Mondale
Proles: Eleanor Mondale, Ted Mondale

Gualterius Mondale (2002).

Mondale anno 1977, quando praeses vicarius merebat.

Mondale gradum A.B. in Universitate Minnesotensi anno 1951 accepit postquam Collegium Macalester frequentavit. Tum in Exercitu Civitatum Foederatarum militavit, Bello Coreano saeviente, antequam gradum iurisprudentiae anno 1956 accepit. Ioannam Adams anno 1955 in matrimonium duxit.