Heliadae

In mythologia Graeca Heliadae (Ἡλιάδαι) sunt septem filii Helii et Rhodes, fratres Electryones, scilicet Ochimus, Cercaphus, Macareus sive Macar, Actis, Tenages, Triopas, et Candalus (Nonnus^[1] Augen et Thrinacen addit). Erant astrologi et nautae atque primi Rhodi sacrificia Athenae instituerunt.^[2] Etiam Telchines Rhodo expulerunt.^[3]

Vide etiam paginam fere homonymam: Heliades.

Tenages, maxime dotatus Heliadarum, a Macareo, Candalo, Triopa et Actide, qui ei aemulati sunt, interfecerunt. Crimine patefacto Rhodo fugerunt: Macareus fugit Lesbum, Candalus to Coum, Triopas to Cariam et Actis Aegyptum.^[4] Ochimus et Cercaphus, qui crimine abstinuerant, in insula permanerunt et urbem Achaeam (loco Ialysi posterioris) condiderunt.^[5] Ochimus, maximus fratrum, insulae regnum obtinuit; Cercaphus filiam Ochimi in matrimonium duxit et in locum eius successit. Tres filii Cercaphi, scilicet Lindus, Ialysus et Camirus, conditores eponymi urbium Lindi, Ialysi et Camiri exstiterunt.^[6]