Humus

Humus (-i, vocabulum femininum) in scientia solorum est pars materiae organicae soli^(en) quae forma caret, sine “structura cellularis plantarum, microorganismorum, vel animalium propria.”^[1][2] Humus densitatem soli magnopere afficit, retentionemque humiditatis^(en) et nutrimentorum auget. Vocabulum humus in agricultura aliquando adhibetur ad compositum maturum, vel naturale, ex silva vel alio fonte automato extractum, pro usu ad solum emendandum describendum.^[3] Adhibetur etiam ad stratum soli superioris describendum quod materiam organicam continet (nomine typus humi,^[4] forma humi,^[5] facies obliqua humi^[6]).

Prospectus soli; humus litterā A indicatur.

Diversa soli genera maiorem aut minorem partem humi habent; maximam (usque ad 15%) habet solum nigrum. Solum griseum, exempli gratia, 4% humi habet.

Nexus interni

• Acidum humicum
• Biochar
• Biomassa
• Detritus
• Glomalinum
• Materia biotica
• Terra (solum)
• Terra preta