Rhymnus

Rhymnus^[1], vel Daix^[2] (Russice Урал, Casachice Жайық, Jayıq) est flumen in re publica Baschkiria et regionibus Tscheliabinscensi et Oropolitana Russiae et in Kazachstania. In iugo Uraltau montium Uralensium oritur, 2428 chiliometra patet et in mare Caspium in Catodaice urbe se effundit.

Rhymnus

Rhymnus fluvius in Kazachstania e caelo visus
Longitudo	2428 chm
Altitudo fontis	668,4 m
Decursus aquae	400 m³/s
Area systematis	237000 chm²
Fons	Urales meridionales
Ostium	Mare Caspium
Regio	Russia et Kazachstania

Linea confinii Europae et Asiae saepe per Rhymnum ducebatur.

Renominatio

Ante annum 1775 Iaicus in Russia nominabatur^[3], quod nomen a Daice antiquo originem ducit. Quanquam flumina fere nunquam iussu principum renominantur, a Catharina II ut Ural (Урал) renominatus est, ut tumultus Pugatschovianus et cosaci Iaicenses participes eius oblivio obruerentur.

Accolae

Kyzyl Superior (vel Minor), Kyzyl Inferior (vel Maior) et Sacmara accolae Rhymni maiores sunt.

Urbes litorales

Urbes Mons Magnes et Orum et Oropolis (in ostio Sacmarae) et Daix^[4] in ripis Rhymni sitae sunt. Catodaix urbs in ostio Rhymni in litore maris Caspii aedificata est.

Varia

Basilius Čapaev in Rhymno demersus est.