Ketus

Ketus^[1] (Russice Кеть, Selcupice Ӄэ̄т) est flumen in territorio Crasnoiarensi et regione Tomensi Russiae. Keto Maiore et Keto Minore confluentibus in divortio aquarum Obii et Ieniseae oritur, circiter 1621 chm patet et in Obium flumen (cuius accola dexter est) effunditur duobus ramis, quorum unus Ketus Togurensis (Togurskaia Ket' ), alter Ketus Kopylovensis (Kopylovskaia Ket' ) est; Keti Kopylovensis ostium prope Narimum situm est, Keti Togurensis prope Kolpaševo urbem.

Ketus

Longitudo	1621 chm
Decursus aquae	560 m³/s
Area systematis	94 200 chm²
Fons	Ieniseae et Obii divortium aquarum
Ostium	Obius
Regio	Territorium Crasnoiarense. regio Tomensis

Historia

Anno 1596 castellum Narimicum ad Ketum aedificatum est, anno 1602 in fluxu Keti superiore castellum Keticum (Ketskij ostrog). Saeculo XIX exeunte cursus aquatilis Obio-Ieniseicus per Ketum, Lomovaiam flumen Keti accolam, Cassum Minorem et Cassum construebantur, qui Obium et Ieniseam coniungeret, sed frustra; nam solum tempore eluvionis vernae navigatio possibilis erat; canalis Keto-Cassianus nunc limo obrutus pars eius principalis fuit.