Linaceae

Linaceae sunt familia angiospermarum, plerumque fruticum herbaceorum rarove ligneorum, aliquando magnarum arborum, in tropicis distributarum. Familia est cosmopolita, circa 300 species habens.

Linum usitatissimum

Linum pubescens

---

Plantae — Magnoliophyta

Classis : Magnoliopsida 
Ordo : Malpighiales 
Familia : Linaceae 

   

Subdivisiones: Genera

Vide commentarium.

Descriptio

Folia sunt simplicia, integra, paene semper alterna, aliquando stipulis praedita. Flores sunt hermaphroditi, actinimorphici, et pentameri rarissimeve tetrameri. Petala sunt speciosa, colore diluto. Ovarium est superum, pentacarpelatum, syncarpum, stilibus libris leviterve adfixis, duobus ovulis in carpello. Inflorescentiae sunt cymosae. Fructus est capsula, vel raro drupa.

Gravis in agricultura species est Linum usitatissimum, ad oleum fibrasque capiendas excolitum.

Taxinomia

Systema Cronquist Linaceas in Linalibus, ordine proprio, posuit; systemata autem hodierna eas in ordine Malpighialibus ponunt.

Linaceis sunt quattuordecim genera, quorum maximum est Linum, circa 180–200 species habens. Genera in duabus subfamiliis describuntur: Linoideis, circa 240 speciebus in sex generibus, praecipue in zonis temperatis, et Hugonioideis, 61 speciebus in quattuor ad sex generibus, in zonis tropicis, praecipue in Africa, Madagascaria, Indomalaesia, et Nova Caledonia (aliquando familia distincta habitis, Hugoniaceae).

Genera in subfamilia Linoideis

• Anisadenia Wall. ex Meisn.; duae species in Media Asia
• Cliococca
• Hesperolinon (A.Gray); circa tredecim species in California
• Linum
• Radiola Hill; una species:
  • Radiola linoides Roth, in Europa, Africa Septentrionali, et Asia
• Reinwardtia Dumort.; duae species in Sinis et Asia Meridionali
  • Reinwardtia indica Dumort.
  • Reinwardtia trigyna (Roxb.) Planch.
• Sclerolinon C.M.Rogers; una species:
  • Sclerolinon digynum (A.Gray) C.M.Rogers, in Media America et America occidentali
• Tirpitzia Hallier f.; duae species in Sinis et Asia Meridio-Orientali

Genera in subfamilia Hugonioideis (Hugoniaceis)

• Durandea
• Hebepetalum Benth.
• Hugonia L.
• Indorouchera Hallier f.
• Philbornea Hallier f.
• Roucheria Planch.

Nexus externi

Situs scientifici: Tropicos • Tela Botanica • GRIN • ITIS • NCBI • Biodiversity • Encyclopedia of Life • Plant Name Index • WoRMS: Marine Species • Fossilworks • Flora of China • Flora of North America

• Linaceae in Situ Phylogeniae Angiospermarum
• Linaceae in Topwalks

stipula

Haec stipula ad biologiam spectat. Amplifica, si potes!