Livia Drusilla

Livia, plenius Livia Drusilla atque post adoptionem Iulia Augusta (nata die 30 Ianuarii 58 a.C.n.; mortua anno 29 p.C.n. Romae), fuit tertia et dilectissima Octaviani Augusti uxor. Avus eius a matre Marcus Aufidius Lurco tribunus plebis erat. Fuit etiam futuri principis Tiberii mater, Claudii avia, Caligulae proavia.

Livia Drusilla

Res apud Vicidata repertae:

Livia Drusilla: imago

Nativitas: 30 Ianuarii 59 a.C.n., 28 Septembris 58 a.C.n.; Roma
Obitus: 28 Septembris 29 CE; Roma
Patria: Roma antiqua

Familia

Genitores: Marcus Livius Drusus Claudianus; Alfidia
Coniunx: Tiberius Claudius Nero, Augustus
Proles: Tiberius, Nero Claudius Drusus
Familia: Livii Drusi, Domus Iulio-Claudia, Julii Caesares

Memoria

Sepultura: Mausoleum Augusti

Caput mormoreum Liviae senis, Museum Romano-Germanicum, Coloniae Agrippinae, saeculo I

Nuptiae Liviae et Octaviani

Auctores antiqui plures Ti. Neronem, primum Liviae maritum,^[1] libenter eam Octaviano postulanti dedisse referunt;^[2] alii autem Liviam vi sive potestate tyrannica abreptam admittunt.^[3] Nuptiae die 17 Ianuarii 38 a.C.n. celebratae sunt. Cenam nuptialem Caligula princeps, Liviae et Ti. Neronis nepos, imitavisse confitetur.^[4]

Liviae indoles

Vina Liviae et Augusto grata Plinius maior sic describit:

Iulia Augusta LXXXVI annos vitae Pucino vino rettulit acceptos, non alio usa. gignitur in sinu Hadriatici maris non procul Timavo fonte saxoso colle, maritimo adflatu paucas coquente amphoras; nec aliud aptius medicamentis iudicatur. hoc esse crediderim quod Graeci celebrantes miris laudibus Praetutianum appellaverint ex Hadriatico sinu. Divus Augustus Setinum praetulit cunctis et fere secuti principes, confessa propter experimenta, non temere cruditatibus noxiis ab ea saliva. nascitur supra Forum Appi.^[5]

Nexus interni

• Macellum Liviae