Musae (deae)

Musa (Graece Μοῦσα)^[1] est una ex novem deis artium.

Vide etiam paginam discretivam: Musa.

Musa (fortasse Clio) legens

Musae cum Apolline saltant, a Balthasare Perutio pictae.

Secundum Hesiodum, Musae sunt filiae Iovis et Mnemosynes^[2]. Secundum Alcmanem et Mimnermum sunt filiae Gaeae et Urani.

Nomina Musarum a plurimis recepta sunt ea quae sequuntur:

• Calliope, ductrix et musa poësis epicae
• Clio, musa historiae
• Erato, musa poesis eroticae et carminum nuptialium
• Euterpe, musa musicae
• Melpomene, musa tragoediae
• Polyhymnia, musa oratoriae et carminum sacrorum
• Terpsichore, musa saltationis
• Thalia, musa comoediae
• Urania, musa astronomiae

Interdum alia nomina leguntur. Teste scholiaste Hesiodeo, secundum nonnullos auctores novem Musae antiquissimae fuerunt Callichore, Helice, Eunice, Thelxinoë, Terpsichore, Euterpe, Eucelade, Dia, Enope.^[3] In Boeotia Musae tres adoratae sunt, scilicet Mneme, Aoede, Melete; apud Delphos tres, Nete, Mese, Hypate seu Cephisso; apud alios quattuor, Thelxinoë, Aoede, Arche, Melete.

Fontes

• Hesiodus, Theogonia 1-115.

Nexus interni

• Camenae
• Museum
• 600 Musa