Popina

Popina^[1][2] est taberna cibaria ubi clientibus cibi potionesque (pecuniis vel datis vel promissis) praeparantur et praebentur. Popinarum genera plura aevo antiquo iam erant, quae et hodie distingui possunt:

• Thermopolium (verbo Graecizante) seu fercula offert iam ferventia vel cito paranda clientibus qui saepius domum auferunt.
• Caupona vel tabernula praecipue temeta (e.g. vinum, cervesiam) proponit
• Ganea cibum promptum comedentibus praebet.
• Popina sellariola^[3] sellas tabulasque praebet ubi convivae congregare possunt.
• Taberna deversoria addi licet (quamquam popina haud sit) ubi clientes praesertimque viatores deversari et cenare possunt.

Trucidatio Ludovici Lepeletier de Saint-Fargeau^(fr) apud Dominicum Février restauratorem Parisiis in Palatio Regio die 20 Ianuarii 1793

Popina Pompeiorum

Romani honestiores, qui popinas ganeasque frequentabant, saepe in scriptis classicis describuntur et fere semper vituperantur.