Promunturium Cor Lapis

Promunturium Cor Lapis^[1] (Russice мыс Сердце-Камень, Tschuctschice Пыттэлгыянраквын^[2]) est promunturium in districtu autonomo Tschucotico, in mari Tschukotense oceani Pacifici eminens.

Phalacrocorax pelagicus (Russice saepe Phalacrocorax Beringii), avis quae in promunturio Corde Lapide gignitur

Historia

Ab expeditione Viti Beringii anno 1728 promunturium inventum est, sed in tabula erroris causa aliud loci nomen huic adscriptum est; nam magnum saxum ("lapis") cordiforme alibi in litore sinus Crucis nautae viderant. Iacobus Cook, anno 1778 promunturium visitans, de nomine eius dubitabat.

Natura

Anno 2009 in promunturio Corde Lapide statio, Odobeni rosmari maxima orbis terrarum inventa est; nam circa 97 milia odobenorum hic observabantur. Phalacrocoracum pelagicorum, Larorum hyperboreorum, et Fratercularum corniculatarum multitudo in saxis promunturii nidificant.