Spiritismus

Spiritismus^[1] est dogma spiritualisticum ab Hippolyto Leone Denizard Rivail,^[2] educatore Francico, pseudonymo Allan Kardec scribente, saeculo undevicensimo digestum. Hic motus quasi religiosus, tandem Dogma Spiritualismi Kardecisticum appellatus, investigationem "naturae, originis, et fati animam vel spirituum, atque eorum coniunctionis cum mundo corporeo"^[3] proposuit.^[4]

Dogma

Rivail in Libro Spirituum (1857) non modo arte conclusit spiritismum, sed etiam pervulgavit. Illis, qui spiritismum profitentur, homo maximam morum honestatem consequitur, si, mortuos consulendo, eorum praeceptis rite oboediat; et si, ad eluendas sordes et ad reddendum se meliorem usque, continuas vitas inter se diversas in alio post mortem corpore in se recipiat.