Thebais

Thebais est carmen epicum P. Papinii Statii de bello septem ducum contra Thebas. Libros duodecim habet, versus 9748.

Vide etiam paginam discretivam: Thebais (discretiva).

Thebaidos initium in manuscripto e monasterio Sancti Galli (bibliotheca centralis Turicensis, ms. C 62, fol. 2r.)

Statius in ultimis versibus carminis dicit se duodecim annos Domitiano imperante id composuisse. In Silvis^[1] dicit anno 95 carmen perfectum est; pater Statii, grammaticus, orator et poeta, ad id opus filium incitavit^[2]. Non fuit prima Thebais; duas Graecas novimus, primam veterem saepe ipso Homero adscriptam, alteram ab Antimacho Colophonio compositam.

Fabula

Libri a I ad IV causas belli et praeparationes describunt. Libri V et VI digressionem faciunt: Hypsipyle scelus mulierum Lemniarum narrat; puer, quem curat, Archemorus, a serpente interficitur, et exercitus Argivus ludos funebres in eius honorem celebrat. Libri a VII ad XI de bello ipso sunt, usque ad monomachiam Eteoclis et Polynicis. Liber XII de honoribus funebrbus narrat.