class. (62 a.C.n. / 692 a.u.)
- At vero quid ego mirer, si quid ab improbis de me improbe dicitur, cum L. Torquatus primum ipse his fundamentis adulescentiae iactis, ea spe proposita amplissimae dignitatis, deinde L. Torquati, fortissimi consulis, constantissimi senatoris, semper optimi civis filius, interdum efferatur immoderatione verborum? Qui cum suppressa voce de scelere P. Lentuli, de audacia coniuratorum omnium dixisset, tantum modo ut vos qui ea probatis exaudire possetis, de supplicio, de carcere magna et queribunda voce dicebat. —Pro P. Sulla oratio Ciceronis [1][2]
class.
- his adiunctis Ephesum hostem persecuti ante ostium portus acie instructa steterunt. postquam confessionem victis satis expresserunt, Rhodii et Eumenes domos dimissi; Romani Chium petentes, Phoenicuntem primum portum Erythraeae terrae praetervecti, nocte ancoris iactis, postero die in insulam ad ipsam urbem traiecerunt. —Ab urbe condita Titi Livii [3][2]
saec. I. (ca. 78 p.C.n.)
- ab eo Basta oppidum et Hydruntum decem ac novem milia passuum, ad discrimen Ionii et Hadriatici maris, qua in Graeciam brevissimus transitus, ex adverso Apolloniatum oppidi latitudine intercurrentis freti L non amplius. hoc intervallum pedestri continuare transitu pontibus iactis primum Pyrrus Epiri rex cogitavit, post eum M. Varro, cum classibus Pompei piratico bello praeesset; utrumque aliae inpedivere curae. —Naturalis historia Plinii [4][2]
saec. I. (ca. 85-102 p.C.n.)
- Hoc quondam Libys impius profundo,
- Dum praedam calamo tremente ducit,
- Raptis luminibus repente caecus
- Captum non potuit videre piscem,
- Et nunc sacrilegos perosus hamos
- Baianos sedet ad lacus rogator.
- At tu, dum potes, innocens recede
- Iactis simplicibus cibis in undas,
- Et pisces venerare delicatos. —Epigrammata M. Valerii Martialis [5][2]
