class. (ca. 30–22 a.C.n.)
- Cum camerae politae fuerint, sub eas coronae sunt subiciendae, quas maxime tenues et subtiles oportere fieri videbitur; cum enim grandes sunt, pondere deducuntur nec possunt se sustinere. In hisque minime gypsum debet admisceri, sed ex creto marmore uno tenore perduci, uti ne praecipiendo non patiatur uno tenore opus inarescere. Etiamque cavendae sunt in cameris priscorum dispositiones, quod earum planitiae coronarum gravi pondere inpendentes sunt periculosae. —De architectura Vitruvii [1][2]
class. (versio II, ca. 5 p.C.n.)
- Tu mihi, tu certe, memini, Graecine, negabas
- uno posse aliquem tempore amare duas.
- per te ego decipior, per te deprensus inermis –
- ecce, duas uno tempore turpis amo!
- utraque formosa est, operosae cultibus ambae;
- artibus in dubio est haec sit an illa prior.
- pulchrior hac illa est, haec est quoque pulchrior illa;
- et magis haec nobis, et magis illa placet! —Amores Ovidii Nasonis [3][2]
saec. I.
- Hinc mercennarius tonsor ferramenta sua nobis et ipse armatus distribuit, illinc Tryphaenae familia nudas expedit manus, ac ne ancillarum quidem clamor aciem destituit, uno tantum gubernatore relicturum se navis ministerium denuntiante, si non desinat rabies libidine perditorum collecta. —Satyricon T. Petronii Arbitri [4][2]
saec. I. (ca. 78 p.C.n.)
- quae singula inprovidam mortalitatem involvunt, solum ut inter ista vel certum sit nihil esse certi nec quicquam miserius homine aut superbius. ceteris quippe animantium sola victus cura est, in quo sponte naturae benignitas sufficit, uno quidem vel praeferendo cunctis bonis, quod de gloria, de pecunia, ambitione superque de morte non cogitant. —Naturalis historia Plinii [5][2]
