![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/81/Saffron-spice_adjusted.jpg/640px-Saffron-spice_adjusted.jpg&w=640&q=50)
Alsafran
From Wikipedia, the free encyclopedia
El alsafrán es una espesia sacada de los estigmas sekos de la flor de Crocus sativus, una espesie del jénero Crocus dientro de la famiya Iridaceae.
![Thumb image](http://upload.wikimedia.org/wikipedia/commons/thumb/8/81/Saffron-spice_adjusted.jpg/640px-Saffron-spice_adjusted.jpg)
El alsafrán se konose por su savor amargo i el su golor; estos aparesen de los sus komponentes kimikos picrocrocin i safranal.[1][2] Endemas kontiene un tinte de tipo karotenoide yamado krosin, el kualo da a la kumida un color amariyo durado. Esto aze del alsafrán un komponente apresiado en munchos platos en todo el mundo. En Espanya se empiega komo komponente esensial de la paeya, i para kozer arroses, karnes i pishkados. El alsafrán tiene endemas uzo en la medisina. El alsafrán tiene un presio grande deke no es kolay tenerlo, presisa muncho kudio i eshuérso. Por el su alto valor ekonómiko se le yama oro kolorado, el kualo a tinido munchas imitasiones.
El alsafrán está konformado por los estigmas ke pueden estar unitos o no al estil de la flor del Crocus sativus Lin. Es una espesia la kuala a tinido i tiene un merkato mondial liderisado por Espanya, no sólu a nivel de produksiyon sino endemas a nivel de eksportasiyon.