From Wikipedia, the free encyclopedia
Amrita Sher-Gil (Pundjabi: Punjabi: امرِتا شیرگِل, ਅੰਮ੍ਰਿਤਾ ਸ਼ੇਰਗਿੱਲ; madjar: Amrita Sérgil; Budapest, 30 de Djenero de 1913[1] – Lahore, 5 de Desiembre de 1941) era una pintora indiana,[2] de padre punjdabi sih i de madre djudia de Madjaristan, yamada "la Frida Kahlo de la India",[3] konsiderada komo la pintora mas emportante del syeklo XX de la India; la su erensia es komparada kon los maestros del Renasimyento bengali, lo ke aze ke seya yamada la mas grande pintora de la India,[4][5][6] i endemas la pintora kon tablos mas presyados del payis.[7]
Nasio en Budapest, Madjaristan, ija de Umrao Singh Sher-Gil Majithia, un aristokratiko i akademiko de las linguas sanskrita i persa i Marie Antoniette Gottesmann, una djudia kantadera de opera.[8][9] Bivio parte de la su chikez en Madjaristan. Eya era suvrina del indolodjisto Ervin Baktay.
Ambezo en la École des Beaux-Arts de Paris, ande aresivio inspirasion de pintores como Paul Cézanne i Paul Gauguin.[10] En 1932, krio su primera ovra emportante, Djovenes mansevas, ke la izo una Asosiada en el Grand Salon de Paris en 1933, yegando a ser la mas manseva i la unika persona de Asya en aresivir este onor.[11][12]
Sher-Gil se espozo kon el su primo-ermano de Madjaristan, el Dr. Victor Egan en 1938 i se mudaron a la India, biviendo en la kaza de la famiya del su padre en Gorakhpur, Uttar Pradesh. Ansina era el empesijo de la sigunda parte de la su pintura, kon influensas del arte de la India, komo Rabindranath Tagore i Jamini Roy de la Eskola de Arte de Bengala.
La majorita de sus obras estan amostradas en el National Gallery of Modern Art de Mueva Delhi.[10]
Murio de edad de 28 anyadas, diskues de una hazinura ke ainda oy endiya no es aklarada, en la sivdad de Lahore (oy endiya en Pakistan), ande tenia aperturada la su primera amostra individuala de pinturas. Es kreyido ke estava prenyada i pedrio la kreatura, kon una peritonitis diskues komo la kavza de la su muerte.[13]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.