Asya Sentrala

Asya Sentrala es una rejion de Asya la kuala se ekstiende desde la mar Kaspia asta las frontieras de Kina i Rusia fista Asya del Sud. Asya Sentrala esta konosida por sus pueblos nomadikos i por la Ruta de la Seda^[1]. Por esto, Asya Sentrala es la rejion a traverso de la kuala la djente, los bienes i las ideas an viajado entre Evropa, el Medio Oryente, Asya del Sud i Asya Oryentala ^[2].

Egzisten varias versiyones de lo ke konforma Asya Sentrala. Oy endiya se uza la definision de la sub-rejion de la ONU, la kuala esta konformada por Kazakistan, Kirgizistan, Tadjikistan, Turkmenistan i Uzbekistan. Algunas vezes por razones etnikas se adisiona Mongolia, Afganistan, el nord de Pakistan, el nordeste de Iran, el Noroeste de la India i el oksidente de la Repuvlika Popular de Kina. Endemas, egziste ken adisiona otras provinsias de Kina komo Qinghai, Tibet, Gansu i Mongolia Interior, ansina komo el sud de Siberia. Antes del nasimyento de Mahomat i durante la Edad Media, en la rejion bivian pueblos iranios ^[3][4] komo los sogdianos i korasmios sedentarios i a esitas i alanos semi-nómadas. Estos pueblos son los asendientes de los aktualos tadjikos, pashtunes, pamiris i otros pueblos iranios ainda presentes en la rejion. Ma dempues de la arrivada de los pueblos turkanos, la rejion paso a ser ande biven uzbekos, kazahos, kyrgyzos i uiguros, por lo ke munchas vezes Asya Sentrala es yamada Türkestan.