Osama bin Laden

Usāma bin Muhammad bin 'Awad bin Lādin (en arabo: أسامة بن محمد بن عوض بن لادن, ʾUsāmah bin Muḥammad bin ʿAwaḍ bin Lādin, Riyad, Arabia Saudita, 10 de Marso de 1957 – Abbottabad, Pakistan, 2 de Mayo de 2011),^[1][2] konosido komo Osama bin Laden o Usama bin Ladin (أسامة بن لادن), era un terrorista djihadista, miembro de la famiya bin Laden de orijen saudi i konosido enel 'olam por ser el fondador de la banda terrorista Al Qaida.

Asigun tenia konfezado el mismo Bin Laden,^[3][4][5] era el organizador de munchos atakos de terrorizmo en kontro de los Estados Unidos i otros payises de Oksidente, inkluyendo los atakos alas ambasadas de Estados Unidos en Kenia i Tanzania el 7 de Avgosto de 1998, los atakos del 11 de sietembre de 2001 al World Trade Center i al Pentagon enel Kontado de Arlington en Virginia. Asta el momento de la su muerte, el FBI tenia a Bin Laden enkavzado por los atakos alas ambasadas amerikanas de Kenya i Tanzania, i por su lision "kon otros atakos terroristas en todo el mundo".^[6]