Subliminal (rapero)

Ya'akov "Kobi" Shimoni (en ivrit: יעקב "קובי" שמעוני, nasido el 13 de Noviembro de 1979) jeneralmente konosido por el su nombre artístiko Subliminal (en ivrit: סאבלימינל), es un rapero yisraeli i un produktor de músika.

Subliminal, enel anyo 2006

Biografiya

Subliminal nasió en Tel Aviv i la su madre es orijinalmente de Mashhad, Iran i el su padre nasió en Tunesia. Subliminal empiesó a kantar kuando el iva tener 12 anyos, i a los 15 anyos el konosió a Yoav Eliasi (HaTzel). Los dos se izieron amigos pishín déke el amor ke tinían por el hip-hop.

Impakto sosyal

Kon las sus letras i konsertos, Subliminal i su grupo de rap bushkan enspirar i animar a las muevas jenerasiones a estar djuntos komo una nasyon yisraelí unifikada. En munchos de los sus konsertos, Subliminal empiesa yamando a la audiensya, "¡Ken esté orgolyozo de ser sionista en la mediná, ke alevante las sus manos al áyre! ¡Dizí yeah!"^[1] Subliminal puede ser visto en munchos de los sus konsertos yevando ropa rapera amerikana i una lunga kadena kon la estreya de David enkolgada de la garganta.