Fonds national de la recherche

From Wikipedia, the free encyclopedia

De Fonds national de la recherche, ofgekierzt FNR, ass en ëffentlecht Etablissement zu Lëtzebuerg, dat per Gesetz vum 31. Mee 1999 gegrënnt gouf[1].

Fonds national de la recherche
(FNR)
Typ: Ëffentlecht Etablissement
Grënnung: 31.05.1999
Sëtz: 2, Avenue de l'Université
L-4365 Esch-Uelzecht
Leedung: Martine Reicherts
(Presidentin)
Branche: Fuerschung, Wëssenschaft
Um Spaweck: www.fnr.lu

Den nationale Fuerschungsfong huet follgend Missiounen:

  • de Fuerscher zur Säit stoe fir d'wëssenschaftlech Qualitéit a wichtege sozio-ekonomesche Beräicher ze verbesseren;
  • nohalteg zur Entwécklung vun der ëffentlecher Fuerschung zu Lëtzebuerg bäizedroen, besonnesch um Niveau vum Fuerschungspersonal, fir den Impakt vun de ëffentleche Fuerschungsinstitutiounen a vun hiren Aktivitéiten ze verbesseren;
  • d'Promotioun vun enger Wëssenschaftskultur, besonnesch bei deene Jonke vu 6 bis 19 Joer. Dofir ass 2007 op Initiativ vum FNR de Groupement ProScience gegrënnt ginn.

Dës Missioune ginn duerch dës Instrumenter implementéiert:

  • prioritär Aktiounen;
  • pluriannuell Fuerschungsprogrammer;
  • Begleetmesuren;
  • Promotioun vun der Wëssenschaftskultur;
  • Hëllefen bei der Aus- a Weiderbildung vu jonke Fuerscher.

Mister Science
Den FNR huet am Joer 2009 e Personnage an d'Liewe geruff, fir d'Wëssenschaften an d'Lëtzebuerger Fuerschung an de Medie méi populär ze maachen. De Mister Science huet reegelméisseg Optrëtter um Radio an op RTL Télé Lëtzebuerg.