![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6e/Violin_VL100.jpg/640px-Violin_VL100.jpg&w=640&q=50)
Gei
From Wikipedia, the free encyclopedia
Eng Gei ass e Sträichinstrument mat véier Säiten, déi mat engem Bou gespillt ginn. Déi Säite gi meeschtens op d'Noute sol, re, la a mi gespaant. D'Gei gëtt tëscht dat lénkst Schlësselbeen an de Kënn geklemmt. Déi ënnerschiddlech Nouten entstinn andeems ee mat de Fangere vun der enger Hand (meeschtens déi lénks) d'Säite gräift a mat dem Bou an der anerer iwwer d'Säite sträicht.
![Thumb image](http://upload.wikimedia.org/wikipedia/commons/thumb/6/6e/Violin_VL100.jpg/640px-Violin_VL100.jpg)
D'Gei ass dat klengst Sträichinstrument an dat mat den héchsten Téin, dat an der westlecher Musek benotzt gëtt. D'Persoun, déi d'Gei spillt, heescht Violonist oder Violonistin respektiv Geiist oder Geiistin[1]. Déi Persoun, déi d'Gei produzéiert, heescht Geiebauer oder Geiebauerin.
D'Gei spillt eng bedeitend Roll an der europäescher an an der arabescher Musek. Déi modern Gei ass ongeféier 400 Joer al – änlech Sträichinstrumenter gëtt et zënter ongeféier engem Joerdausend. Zum Zäitpunkt, wéi déi modern Orchestere forméiert goufen, war d'Gei sou gutt wéi fäerdeg entwéckelt a si gouf dat wichtegst Orchesterinstrument. D'Majoritéit vun de klassesche Komponisten huet Stécker fir Violoniste geschriwwen, mä si gëtt och als Soloinstrument a villen anere Museksgenren agesat.