ING Night Marathon Luxembourg
Marathon an der Stad Lëtzebuerg / From Wikipedia, the free encyclopedia
Den ING Night Marathon Luxembourg ass e Marathon, deen zënter 2006 all Joer an der Stad Lëtzebuerg organiséiert gëtt. Et ass ee vun de wéinege Marathonen, deen Owes, respektiv an der Nuecht ass, an nieft dem Iechternacher Marathon ee vun zwéi Marathonen am Land.
Bei der éischter Editioun 2006 hu ronn 6.000 Leefer matgemaach[1]. 2017 waren et der iwwer 15.000 aus 116 Natiounen an am Alter vu 4 bis 83 Joer[2].
Fir d'Stad Lëtzebuerg ass de Sportevent och e wichtege Wirtschaftsfacteur, well vill Leefer aus dem Ausland ureesen an d'Hoteller, d'Restauranten an aner Geschäfter dovu profitéieren. Den Organisateur Erich François vu step by step S.A. huet 2015 geschat, datt d'Leefer an deem Joer op d'mannst 2,6 Milliounen Euro géifen ausginn.[1]