Marc Thewes

De Marc Thewes, gebuer den 21. Februar 1967, ass e lëtzebuergeschen Affekot a Member vum Staatsrot.^[1]

Dësen Artikel beschäftegt sech mat dem Affekot Marc Thewes. Fir de Cyclist Marco Thewes, kuckt wgl. Marco Thewes.

Marc Thewes
Gebuer	21. Februar 1967
Nationalitéit	Lëtzebuerg
Educatioun	Universitéit vu Léiwen, London School of Economics
Aktivitéit	Affekot
Fonctioun	Conseiller vum Staatsrot, President vum Staatsrot vu Lëtzebuerg

De Marc Thewes ass en Affekot deen am Contentieux spezialiséiert ass. Hien huet op der Kathoulescher Universitéit zu Léiwen op der London School of Economics studéiert. Hien ass zënter 1991 um Lëtzebuerger Barreau ageschriwwen an huet 1995 huet zesumme mam Pierre Reuter de Cabinet Thewes et Reuter gegrënnt^[2].

Hien ass och um wëssenschaftlechen a redaktionellen Terrain aktiv a war ë. a. ee vun de Grënner vun den Annales du droit luxembourgeois, de Chefredakter vum Journal des tribunaux a Member vum Redaktiounscomité vum Bulletin d'information sur la jurisprudence dee vu Membere vum Jonke Barreau publizéiert gëtt.^[3]

Dem Marc Thewes seng politesch Karriär huet um Enn vun den 1980er ugefaangen an ass Mëtt der 90er Joren abrupt op en Enn gaangen. Hie war an där Zäit Generalsekretär vun der Chrëschtlech-Sozialer Jugend an och Member am Nationalkommitee vun der Partei. Bei de Gemengewalen 1991 huet hien an der Stad Lëtzebuerg kandidéiert, gouf awer net gewielt. Hien huet sech duerno nees ganz op seng Affekotenaktivitéit konzentréiert.^[3]

Nodeems et no de Chamberwale vum 20. Oktober 2013 zu enger Koalitioun ouni d'CSV koum, ass de Marc Thewes gefrot ginn, fir d'Strategie vun der CSV z'iwwerschaffen.^[3]

De 4. Februar 2015 ass de Marc Thewes Member vum Staatsrot ginn, als Nofollger vum Roger Molitor, deen Enn 2014 demissionéiert hat. Den 21. Mäerz 2024 ass hien du President vun där Institutioun ginn, als Nofollger vum Christophe Schiltz.

Wierker

• Marc Thewes, La profession d'avocat au Grand-Duché de Luxembourg, Larcier, 2010, ISBN 9782804435738

Um Spaweck

Commons: Marc Thewes – Biller, Videoen oder Audiodateien

Referenzen an Notten

1. Lëscht vun de Membere vum Staatsrot op der Websäit vum Staatsrot Archivéiert den 20.07.2016. Gekuckt den 22.07.2016.
2. (fr) Marc Thewes président du Conseil d’État. paperjam.lu (21.03.2024). Gekuckt den 01.08.2024.
3. (fr) La résurrection politique de Marc Thewes. paperjam.lu (04.02.2015). Gekuckt den 01.08.2024.