![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Nobel_Prize_2011-Press_Conference_KVA-DSC_8262.jpg/640px-Nobel_Prize_2011-Press_Conference_KVA-DSC_8262.jpg&w=640&q=50)
Präis vun der Schweedescher Räichsbank fir Ekonomie
Ekonomiespräis / From Wikipedia, the free encyclopedia
De Präis vun der Schweedescher Räichsbank fir Ekonomie ((se)Sveriges Riksbanks pris i ekonomisk vetenskap till Alfred Nobels minne, wuertwiertlech “Präis vun der Schweedescher Räichsbank fir Ekonomie als Erënnerung un den Alfred Nobel”) ass e Präis deen déi Schweedesch Räichsbank (Zentralbank) 1968 fir hiren 300-järege Jubiläum gestëft huet an deen 1969 fir d'éischt vergi gouf.
![Thumb image](http://upload.wikimedia.org/wikipedia/commons/thumb/3/34/Nobel_Prize_2011-Press_Conference_KVA-DSC_8262.jpg/640px-Nobel_Prize_2011-Press_Conference_KVA-DSC_8262.jpg)
De Präis gëtt all Joer enger oder méi Persoune fir hiren aussergewéinleche Bäitrag am Beräich vun der Ekonomie zougedeelt. E gëtt ëmmer zesumme mat den Nobelpräisser verginn, ass geneesou héich dotéiert an d'Präisdréier ginn no de selwechte Krittären erausgesicht. Doduerch gëtt en dacks als “Nobelpräis fir d'Ekonomie” bezeechent, obwuel e keen Nobelpräis ass[1].
Grad wéi d'Nobelpräisser fir Physik a Chimie gëtt e vun der Kinneklech Schweedescher Akademie vun de Wëssenschaften iwwerreecht.
De Präis war 2018 mat 9 Millioune Schweedesch Krounen dotéiert, am Ament(Dezember 2018) ronn 777.000 Euro.