Akronym

En Akronym (griichesch ακρωνύμιο, vun άκρος, ákros - d'Spëtzt, de Bord an όνυμος, ónymos - den Numm) ass eng Ofkierzung, déi als eegent Wuert geschwat gëtt, a wou déi eenzel Buschtawen net gesonnert ausgeschwat ginn. Och steet kee Punkt tëscht de Buschtawen oder um Enn vum Wuert, wéi z. B. bei CECA, ausgeschwat "tse:ka".

Doduerch ännert sech hir Schreifweis mat der Zäit vun elauter Groussbuschtawen zu där vun normale Substantiven, wat als Ausdrock gesi gëtt, datt se sproochlech assimiléiert sinn. D'Lëtzebuerger Orthographie hält och fest, datt bei Akronymmer just den Ufanksbuschtaf groussgeschriwwe gëtt^[1].

Hei e puer Beispiller fir bekannt Akronymmer:

• Aids,
• Arbed,
• Covid-19,
• Laser,
• Nato,
• Unesco,
• Unicef,
• Uno,
• Radar.

Kuckt och

• Backronym
• Apronym

Um Spaweck

• GlobalAcronyms

Referenzen an Notten

1. Reegel 8.5.2 Grouss a kleng Buschtawe bei Ofkierzungen op portal.education.lu, gekuckt den 9. Mee 2020