André Biver (Politiker)

Den André Biver, gebuer de 6. Oktober 1938 zu Wëlwerwolz, a gestuerwen de 15. Februar 2025^[1], war e lëtzebuergesche Politiker (LSAP)^[2].

Dësen Artikel beschäftegt sech mat dem Politiker André Biver. Fir aner Leit mat deem Numm, kuckt wgl. André Biver.

André Biver
Gebuer	6. Oktober 1938 Wëlwerwolz
Gestuerwen	15. Februar 2025
Nationalitéit	Lëtzebuerg
Aktivitéit	Politiker, Beamten, Eisebunner
Partei	LSAP
Fonctioun	Deputéierte vun der lëtzebuergescher Chamber

Hien huet zu Lëtzebuerg bei der Eisebunn geschafft, dono an der Privataviatioun am Vereenegte Kinnekräich, ier e Staatsbeamten zu Lëtzebuerg gouf.

Bei de Chamberwale vum 18. Juni 1989 gouf hie fir d'LSAP an d'Chamber gewielt, gouf awer 1994 net méi erëmgewielt.

Op kommunalem Plang war den André Biver vun 1970 un am Gemengerot vu Wolz, vun 1982 bis 1987 war en éischte Schäffen, a vun 1988 bis 1993 Buergermeeschter.

1988 bis 1993 war hien och Membre suppléant vum Comité vun de Regiounen.

Den André Biver war bestuet a Papp vun zwee Kanner.

Gielercher

• Officier vum Ordre de mérite du Grand-Duché de Luxembourg^[3]

Referenzen

1. (lb) Am Alter vu 86 Joer: De fréieren LSAP-Deputéierten a Wëlzer Buergermeeschter André Biver ass dout. www.rtl.lu. Gekuckt de 15.02.2025.
2. Quell, wou net anescht uginn: Alex Bodry, Ben Fayot: 120 Jor Sozialistesch Deputéiert an der Lëtzebuerger Chamber. Dictionnaire biographique des députés socialistes à la Chambre des Députés. Éditions La Mémoire Socialiste, 2016, S.34.
3. Doudesannonce vum André Biver am Luxemburger Wort vum 22. Februar 2025 op der Säit 50