Bovigny

Bovigny (lëtzebuergesch Bowis) ass eng Uertschaft a Sektioun vun der belscher Gemeng Gouvy an der Provënz Lëtzebuerg.

Bovigny lb: Bowis
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Baaschtnech
Gemeng	Gouvy
Koordinaten	50° 13’ 29’’ N       05° 55’ 04’’ O
Telefonszon	080
Postcode	6671

Bis zur belscher Gemengereform vun 1977 war Bovigny eng eegestänneg Gemeng mat den Uertschafte Bovigny, Cierreux, Courtil, Halconreux, Honvelez a Rogery.

D'Gemengenhaus vun der Gemeng Gouvy ass zu Bovigny.

D'Uertschaft gehéiert zu de Plus beaux villages fleuris an der Provënz Lëtzebuerg. Vum Fréijoer bis an den Hierscht, fënnt een do an all Eck iergendeng apaart Blummendekoratioun. Op verschiddene Plaze si landwirtschaftlech Maschinne vu fréier ausgestallt, déi all mat Blumme garnéiert sinn.