Buzz Aldrin

De Buzz Aldrin, gebuer als Edwin Eugene Aldrin jr. den 20. Januar 1930 zu Glen Ridge am New Jersey, ass en US-amerikaneschen Astronaut. Hien ass beim Gemini programm a beim Apolloprogramm matgeflunn a war den 2. Mënsch um Mound.

Buzz Aldrin
Gebuertsnumm	Edwin Eugene Aldrin
Gebuer	20. Januar 1930 Montclair
Nationalitéit	USA
Educatioun	Massachusetts Institute of Technology, United States Military Academy, Severn School
Aktivitéit	Juegdpilot, Astronaut, Autobiograph, Science-Fiction-Schrëftsteller, Ingenieur, Geschäftsmann
Droits d'auteur	Wierker sinn duerch Droits d'auteur geschützt
Partei	Republican Party
Member vun	International Academy of Astronautics
Gielercher	Distinguished Flying Cross, Legionnaire vun der Legion of Merit, Presidential Medal of Freedom, Air Medal, Steiger Award, Stär um Hollywood Walk of Fame

Moundlandung

Véier Deeg nom Start vun der Apollo 11 de 16. Juli 1969, den 20. Juli um 20:17 UTC ass d'Landemodul "Eagle" op der Moundsurface am Mare Tranquillitatis ukomm. Den 21. Juli um 2:56 UTC ass den Neil Armstrong aus dem Landemodul erausgeklommen an huet als éischte Mënsch e Fouss op en aneren Himmelskierper gesat. Den Aldrin koum him 19 Minutten drop no.

Déi zwéin hunn en amerikanesche Fändel opgestallt, Moundgestengprouwe gesammelt a wëssenschaftlech Instrumenter opgeriicht. De ganzen Aussebordasaz gouf gefilmt an deelweis live iwwer Tëlee op d'Äerd iwwerdroen.

Kuckt och

• Moundlandung

Um Spaweck

Commons: Buzz Aldrin – Biller, Videoen oder Audiodateien