Deep Space Network

Den Deep Space Network (DSN) ass en Netz vu Parabolantennen, fir d'Kommunikatioun mat Raumsonde an Satellitten souwéi fir radio- a radarastronomesch Fuerschungszwecker.

Internetbanner vum Deep Space Network

Loftfoto vum Deep Space Complex vu Canberra

Den Jet Propulsion Laboratory bedreift fir d'US-amerikanesch Raumfaartagentur NASA zurzäit dräi grouss Statiounen:

• Goldstone Deep Space Communications Complex (GDSCC), Mojave-Wüst, Kalifornien, USA
• Madrid Deep Space Communications Complex (MDSCC), Robledo de Chavela bei Madrid, Spuenien
• Canberra Deep Space Communication Complex (CDSCC), Tidbinbilla bei Canberra, Australien

Déi dräi Anlage stinn an hiwwelegem, schuelefërmegen Terrain, fir Stéierungen duerch Radiofrequenzen ze miniméieren. Déi strateegesch Plazen – d'Statioune si jee ronn 120° oder en Drëttel vum Äerdëmfang vuneneen ewech – erméiglechen trotz der Äerdrotatioun déi konstant Iwwerwaachung vu Satellitten. All Statioun huet nieft klengen Antennen op d'mannst eng 26-m-, zwou 34-m- an eng 70-m-Antenn.

Fréier gouf et zwou weider grouss Statiounen an zwar zu Woomera an Australien, an zu Johannesburg a Südafrika.

Déi éischt grouss Aufgabe fir d'Deep Space Statioune vun der NASA waren d'Kommunikatioun mat interplanetare Raumsonde wéi de Mariner- a Pioneer-Programm souwéi mat Voyager 1 a Voyager 2.

Kuckt och

Portal Astronomie

• Lëscht vun onbemannte Raumfaartmissiounen
• ESTRACK

Um Spaweck

Commons: Deep Space Network – Biller, Videoen oder Audiodateien

• NASA: Deep Space Network Homepage (en)
• ESTRACK-Netzwierk vun der ESA (en)
• Mudgway, Douglas J.: Uplink-Downlink: Eng Geschicht vum Deep Space Network, 1957-1997 (PDF-Datei; 172 kB) (en)
• Nei Antenne fir Mars Express & Co. (de)