Dylan Thiry

belsch-lëtzebuergeschen Influenzer a Reality-TV-Star From Wikipedia, the free encyclopedia

Remove ads

Den Dylan Thiry, gebuer den 9. November 1994 zu Arel, ass e lëtzebuergesch-belschen Influencer, deen duerch seng Optrëtter a verschiddene franséische Reality-TV-Sendunge bekannt ginn ass. Hien ass eng ëmstridde Perséinlechkeet a steet wéinst ville Kontroversen an der Kritik.

Séier Fakten Gebuer, Nationalitéit ...

Ufank 2025 hat hien iwwer 1,7 Millioune Follower op Instagram an iwwer eng Hallef Millioun weiderer op TikTok.

Remove ads

Liewen

Karriär

Den Dylan Thiry gouf an der Belsch gebuer an ass zu Lëtzebuerg opgewuess. Hie war Zaldot an der Lëtzebuerger Arméi an huet duerno als Model geschafft, éier hien 2017 bei der franséischer Reality-TV-Show Koh Lanta: Cambodge matgemaach huet, wou hien no dräi Deeg erausgeflunn ass.[1] Hien hat d'Opmierksamkeet vun den Zuschauer op sech gezunn, well hie mat deiere Schong a Kleeder, déi dem Kontext net ugepasst waren, an den Dschungel gereest ass.[2],[3],[4]

D'Joer drop huet hien nach eng Kéier bei där Emissioun matgemaach, an der Staffel Koh-Lanta: le combat des héros, a gouf an der siwenter Episod eliminéiert. Duerno huet hien an enger ganzer Rei vun aneren Emissioune matgemaach, dorënner an der 3. Staffel vu Les Marseillais vs le Reste du Monde (2018), der véierter Staffel vun Ninja Warrior (2018), der 6. Staffel vu Les Princes de l'amour (2019), der véierter a sechster Staffel vu La Villa des cœurs brisés (2019 an 2021), der zweeter Staffel vu La Bataille des couples (2019) an der néngter Staffel vu Les Princes de l'amour (2021).[5] Parallel dozou huet hie seng Presenz an de soziale Medien ausgebaut, haaptsächlech op Instagram an TikTok, wou hien en Abléck a säi Liewen an a seng Aktivitéite gedeelt huet. Zu Lëtzebuerg hat hien 2018 e Gaaschtoptrëtt als "Joe" an der Sitcom Zëmmer ze verlounen.

Affären

Den Dylan Thiry ass scho fréi duerch ënnerschiddlech Affären opgefall. 2018 huet hien eng Foto online gepost, mat där hien ugedeit huet, den Titel Mister Luxembourg ze droen. Dat gouf awer séier vum Comité, deen d'Kompetitioun organiséiert, dementéiert.[6]

2019 an 2020 huet hien iwwer 200.000 Euro verdéngt, andeem hien d'Promotioun fir eng Zort Kopfhörer mam Numm "21Pods" gemaach huet, déi bëlleg chineesesch Kopië vun engem Apple-Produkt waren. Et war seng eege Firma mat Sëtz zu Lëtzebuerg, déi s'importéiert a verkaaft huet. Well se awer net ëmmer geliwwert a futtis Produiten net zréckbezuelt goufen, huet eng franséisch Associatioun, déi d'Affer vun den Influencer representéiert, 2024 eng Plainte géint X wéinst "escroquerie en bande organisée" gemaach.[7],[8]

Seng Notorietéit huet den Dylan Thiry gebraucht, fir – eegene Wierder no – "humanitär" Aktivitéiten am Senegal an op Madagaskar an de soziale Medien ze dokumentéieren. Seng Kritiker hunn him awer virgeworf, déi Reese fir Selbstinzenéierung ze mëssbrauchen a kolonial Stereotyppen ze reproduzéieren.[9] Nom schwéieren Äerdbiewen an der Tierkei an a Syrien am Februar 2023 ass hien an d'Tierkei gereest an do duerch zerstéiert Stroosse gelaf, wat vill negativ Reaktiounen ervirgeruff huet. Am Januar 2023 hu fënnef Leit eng Plainte wéinst "abus de confiance" géint den Thiry gemaach an him virgeworf, Honnertdausende vun Euroen, déi hien als Spende fir seng Associatioun Pour nos enfants gesammelt hat, net fir den eigentlechen Zweck benotzt ze hunn.[10],[11],[12] No deene Plainten huet de Parquet vu Paräis eng Enquête iwwer d'Gestioun vun der Associatioun opgemaach. De Prozess ass fir den Oktober 2025 geplangt.[13],[14]

Am Abrëll 2023 huet de franséische Rapper Booba Sproochnoriichte vum Thiry verëffentlecht an him Mënschenhandel virgeworf. An enger Sproochnoriicht, déi net un de Booba adresséiert war, schwätzt den Thiry iwwer säi Plang, enger franséischer Koppel fir mindestens 100.000 Euro en Adoptivkand aus Madagaskar ze vermëttelen, andeems hien dat Kand mat dem europäesche Pass vun engem anere Kand aus dem Land schmuggelt. Wéinst deene Sproochnoriichten hunn déi franséisch Deputéiert Arthur Delaporte a Stéphane Vojetta de Paräisser Procureur iwwer hir "soupçons de trafic d'enfants" informéiert.[15]

An enger anerer Sproochnoriicht schwätzt hien doriwwer, Sexaarbechterinnen zu Dubai ze rekrutéieren, fir datt si erotesche Contenu fir d'Online-Platform MYM produzéieren, an hinnen awer nëmmen 20% vum Revenu ze ginn. Wéinst deenen Aussoe gouf him Zouhälterei virgeworf.[10],[12]

Donieft steet den Dylan Thiry an der Kritik, well hien op senge Kanäl an de soziale Medie Reklamm fir dubios Produkter mécht, ënner anerem fir Pëllen, mat deenen ee Kriibs kéint heelen. Dowéinst gouf hie kritiséiert, seng Follower mat falscher Publicitéit ze täuschen a finanziell ze schiedegen.

Am Dezember 2023 huet de lëtzebuergesche Staatsministère en X-Post vum Dylan Thiry op der Plattform Bee Secure Stopline denoncéiert. A sengem Message hat den Thiry zum "Enn vun Israel" opgeruff, wat vum Albert Aflalo, dem President vum Consistoire israélite, als antisemittesch denoncéiert gouf.[16]

Privatliewen

Am Alter vu 16 Joer ass den Dylan Thiry zum Islam konvertéiert. Den Islam ass e reegelméissege Sujet a senge Posts.

Am Mäerz 2024 huet hie sech mat der Ayem Nour bestuet, déi och iwwer d'Télé-Réalitéit bekannt ginn ass, mee schonn no sechs Méint hu si sech erëm getrennt.[5]

Hie wunnt zu Dubai.[17],[18]

Remove ads

Referenzen

  1. [1]
    (lb) Dylan Thiry: Lëtzebuerger bei Koh Lanta Invité bei Greis-Valerius. rtl.lu (09.05.2018). Gekuckt den 22.01.2025.
  2. [2]
    (fr) E Lëtzebuerger ass Kandidat bei "Koh Lanta" op TF1. rtl.lu (12. Maërz 2017). Gekuckt de 5. Februar 2025.
  3. [3]
    (fr) "C'était juste pour faire Koh-Lanta": Dylan Thiry révèle avoir MENTI pour participer à l'émission. rtl.be (4. Dezember 2021). Gekuckt de 5. Februar 2025.
  4. [4]
    (lb) Den Dylan äussert sech zum "Mocassin-Gate". rtl.lu (22. Mäerz 2017). Gekuckt de 5. Februar 2025.
  5. [5]
    (fr) Dylan Thiry - La biographie de Dylan Thiry. voici.fr. Gekuckt de 5. Februar 2025.
  6. [6]
    (fr) Dylan Thiry aurait "usurpé" le titre de Mister Luxembourg 2019. infos.rtl.lu (13. Februar 2019). Gekuckt de 5. Februar 2025.
  7. [7]
    (fr) La tiste réalité de 21pods.com. Association de défense des consommateurs de France (30. Januar 2020). Gekuckt den 22. Januar 2025.
  8. [8]
    (fr) Thomas Graindorge, Faux AirPods : un célèbre influenceur français cité dans une plainte pour escroquerie. capital.fr (29. Mäerz 2024). Gekuckt den 22. Januar 2025.
  9. [9]
    (fr) Jules Crétois, Dylan Thiry, influenceur ou « white savior » ?. jeuneafrique.com (5. Mee 2023). Gekuckt de 5. Februar 2025.
  10. [10]
    (fr) Accusé de trafic d'enfants et de proxénétisme, Dylan Thiry s'explique: "Je suis parfois très con". rtl.be (25. Juli 2023). Gekuckt den 22. Januar 2025.
  11. [11]
    (fr) Enquête ouverte sur la gestion de l'association de l'influenceur Dylan Thiry. lefigaro.fr (11. Mee 2023). Gekuckt de 5. Februar 2025.
  12. [12]
    (fr) Christophe Nadin, L’influenceur Dylan Thiry dans l’œil du cyclone. wort.lu (8. Mee 2023). Gekuckt de 5. Februar 2025.
  13. [13]
    (fr) Louis Mbembe, Le parquet de Paris ouvre une enquête sur la gestion de l'association de Dylan Thiry. bfmtv.com (11. Mee 2023). Gekuckt den 22. Januar 2025.
  14. [14]
    (fr) L'influenceur luxembourgeois Dylan Thiry jugé en octobre 2025. virgule.lu (26. September 2024). Gekuckt den 22. Januar 2025.
  15. [15]
    (fr) Booba accuse l'influenceur Dylan Thiry de "trafic d'enfants", deux députés saisissent la justice. francetvinfo.fr (28. Abrëll 2023). Gekuckt den 22. Januar 2025.
  16. [16]
    (fr) Thomas Holzer, Émoi suite aux propos de Dylan Thiry, qui cible Luc Frieden. lessentiel.lu (29. Dezember 2023). Gekuckt de 5. Februar 2025.
  17. [17]
    (fr) Pierre Sorlut, Strip-tease. land.lu (4. November 2022). Gekuckt de 5. Februar 2025.
  18. [18]
    (lb) Dylan Thiry an de Marc Zimer. rtl.lu (10. Juli 2020). Gekuckt de 5. Februar 2025.
Remove ads
Loading related searches...

Wikiwand - on

Seamless Wikipedia browsing. On steroids.

Remove ads
Remove ads